Klaksvík er næststørsti býur Føroya og miðdepil fyri Norðoyggjar. Býurin hevur uppruna sín í víkingaøld og gjørdist tíðliga í tíðini tingstaður fyri Norðoyggjar. Fyrstu búðsetingarnar í Klaksvík stava frá víkingaøldini, men tað var ikki fyrr enn í 20. øld, at teir spjaddu býlingarnir í økinum vuksu saman og mentu seg til ein nútímans føroyskan bý, sum gjørdist ein vinnuligur og mentanarligur miðdepil í Føroyum

Í fyrru helvt av 20. øld var Klaksvík tann býurin í Føroyum, sum hevði nógv tann størsta framburðin.

Sum miðdepil fyri Norðoyggjar er Klaksvíkin eisini náttúrligur savningarstaður fyri ferðafólk, ið higani lættliga kunnu vitja hinar vøkru Norðoyggjar.

Síðani 2006 hevur Klaksvík havt fast samband við meginøkið við undirsjóvartunnli, og hevur hetta styrkt Klaksvík sum bý og skapt grundarlag fyri framburði á øllum økjum